人工智能的投資，可以嘗試用一個五年或者三年角度去了解，退一步，看更遠。人工智能的投資就如汽車出現之後，沒有人會再坐馬車。iPhone出現了，繼續用Nokia手機的話可能會被朋友取笑。
所以，我這篇文章就想分享下自己如何持久地守住財富。自己因為中海油（883）破了歷史新高，原本計劃跑8.83km慶祝，點知唔係太有狀態，跑到一半時候自己受傷，只可以步行完成5km。
減少犯錯 完成目標
記得以前跑半馬，好多人就算受傷都會繼續跑，搏盡無悔，我十分欣賞。但我自己經常跑都係想如何完成半馬，一但累了就馬上停低慢慢行，等自己有力再跑，以完成為目標，中途儘量少犯錯誤。不勉強自己，不做超出自己能力範圍事情，不折騰，勉強自己可能俾人抬出場。
同投資一樣，人人不同策略，領先快放係一種策略，跑下停下都係一種策略。我個人覺得少犯錯，遇到困難肯停下來，先生存後發展，散戶容易達到，次次進攻有時候都非常辛苦。一時三刻賺到唔太難，賺到再守到，再持續增長才是王道。
【關於 #紅磡索螺絲】
80後財務自由全職炒家，於2003年入讀大學時，已經接觸投資，2008年毅然決定成為全職投資者。2019年參加輪神比賽取得冠軍，而開始獲大眾認識，陸續獲各大平台邀請分享投資心得。Facebook專頁「紅磡索螺絲」目前有2.6萬個Like及3.5萬位追蹤者，Youtube頻道有2.41萬個訂閱者。
Facebook專頁︰https://www.facebook.com/80hhslc
YouTube︰https://www.youtube.com/channel/UCxgro_A0DhEd_qXb-4_k_gA
