我希望多啲人會改變平日一啲習慣，而令到自己可以累積更多嘅財富。我喺呢度講嘅野，只要大家肯花少少時間做咗個框架，之後就可以好有效率咁袋返錢落袋。
其實前幾日有啲儲蓄topic 可以再仔細啲講，不過我諗大家呢兩日個關注點應該係日圓兌港元跌穿5，有無假返「鄉下」，同埋訂酒店機票多。我又何嘗唔係？又咁啱，聽日會同太太同個囡去日本。
所以諗諗下，不如講下旅行消費。其實疫情前我都算係半個旅遊達人，一年都去兩三次日本或者一次歐遊。對好多人嚟講，旅遊亦都係家庭每年一個比例幾高嘅開支，所以都想講下點樣可以俾少啲錢但又可以享受到更好性價比嘅野。
