茅台大跌價 內地消費一葉知秋？

內地茅台價格，唔係，應該係講內地茅台黃牛價格急跌，成為咗內地股民嘅焦點。簡單講，喺內地，你隨便走去商店買一支茅台，好大機會都係假貨，而真貨，往往都係落喺黃牛黨，同埋同官員相熟嘅人手上。

我以前有一個朋友，有份幫茅台做核數，佢送咗一支茅台俾我，話呢支應該一定係真，諒佢唔敢俾假貨佢！呢枝茅台，我宜家仲放喺屋企。咁點解有咁多黃牛黨或者假貨？簡單講，茅台酒，喺內地長年求過於供，而唔知點解，啲酒只係批發到去一小部份人嘅手上，咁一係炒高個價，一係咪假貨囉。