買咗隻好股票之後，成日以為食咗魚頭魚身，諗住賺夠，留返條魚尾畀人食，點知魚尾仲長過魚頭加魚身，仲要唔止一次、兩次，係好幾次都係咁，令到我多咗個朵叫魚尾KOL。
問題係，魚尾有幾大條，好多時唔係單純計數就可以估到，特別係近幾年，市場資金經常集中於某幾隻股票，有人關注的股份和較少人關注的股份，股價表現可以係一個天一個地。
單係講藍籌股，目前為止，今年錄升的股票有38隻、錄跌的有44隻。當中，累計升幅有20%以上的，有17隻，82隻藍籌股當中佔比20.7%；累計跌20%以上的，有22隻，佔比26.8%。
簡單來講，就是合上眼入場買股票賺錢的機會低於一半，而且個股賺蝕超過20%的機會也差不多。
我自問今年的成績已經相當不錯，作為一個財經Kol，可以說是交足功課。應該要把握的機會，都有參與到，比較可惜的是，錯過了比較多的魚尾。
歸根究底，都是近年市場潛在風險偏高，投資時要更加小心，更加步步為營，有時不得不放棄一些機會，事後才發覺得有一些處理方式是可以進步一下的。
