網友來信：
“你好，我一個月5萬人工，供樓一萬六千，層樓現價值六百萬按揭欠三百。一個月有五千供車，仲有六萬才清完數。每月車位費2500，一個月有六千借貸仲有三年幾清完數，家有老婆及兩個女要養！而家入不敷支，有時唔夠就用信用卡，搞到個個月搞唔掂，搞下搞下仲欠十幾萬卡數！每日壓力好大，又唔想屋企人擔心。想放左層樓套現，租屋住。問有無可以指教的地方？”
龔成老師分析：
首先，你以信用卡模式去支付生活費，是很錯的方法，因為卡數可以收你極高的利息，只會令你的問題不斷惡化。
如果你一直這樣做，只會令問題更大！你處於一個惡性循環，你要改變整個消費模式，從根本去改善理財。我建議你盡快還清所有卡數，同時，之後不要再有負債消費，所有信用卡、分期付款、借私人貸款，都不建議。
至於賣樓，我相信是最後一步，這刻我不太建議，因為無人知將來樓市的升跌，如果賣出後，樓市一直升，你會買唔翻，加上到時租金如果上升，你的問題又會加大。
始終每個人都有自住的需要，有自住樓是一個「平倉樓市」的狀態，如果你賣出自住樓，就是一個「沽空樓市」的狀態。因此，真的到最後無方法，而你又持續每月入不敷支，才賣樓。
