網友來信：
“老師，有個好消息想話你知，我今年資產終於成功突破7位數字！作為一個90後普通打工仔，以前一直覺得百萬距離自己好遠。自從3年前上完你股票班，受到啟發，知道只要有計劃、理財加上投資，100萬其實每個人都做到，所以想喺度多謝你！
置業係我下一個目標，呢一年我自己開始留意多咗樓市，想買一間兩房嘅屋自住，由於資金有限，可以選擇嘅盤唔係太多。
我自己主要考慮地點、樓齡、實用面積，如果目標400-600萬嘅樓，老師以你經驗嚟睇，我應該揀邊個好？多謝老師意見！“
- 地點便利+樓齡舊啲 (30-40幾年)+實用面積約400呎
- 地點便利+樓齡新啲 (10-20幾年)+實用面積約250呎
- 地點不便利+樓齡新啲 (10-20幾年)+實用面積約400呎
